Kalaymyo Ah Sibawi Pakhat Cu Aho Hngalh Lo Mi 2 Nih An Thah!

Sagaing ramṭhen, Kalaymyo Chainmay, Aungsi(ချမ်းမြေ့အောင်စည်) sang ah a ummi pengkomh Department of Obstetrics and Gynecology, Deputy director cu nizaan August 27 zaanlei ah meithal in an kah i a thi, tiah Kalaymyo khuachung ummi nih an chim.

Kalaymyo ummi pakhat nih cun, “Nizaan zaanlei suimilam 6:00 hrawng ah Dr. Myint Win cu mizaw thlopnak in a kir lei lampi ah aho si hngalh lo mi 2 nih an kah i, kah a tonnak hmun ah cun a thi colh,” tiah a chim. Dr. Myint Win thihnak kong he pehtlai in Kalaymyo pengkulh palik zung nih hlathlainak an tuah cuahmah, tiah theih a si.

Kalaymyo, Taungphila Sang Inn Pakhat Cu Inn ngeitu An I Pumh Kar ah Misual Nih An Baoh!: Sagaing ramṭhen, Kalaymyo, Taungphila sang motor khalh cawnnak hmun pawng ah ummi inn pakhat cu nihin August 28 ah misual nih an baoh i phaisa an fir, tiah theih a si. Misual nih inn a baoh caan hi zinglei suimilam 9:00 in 12:00 kar ah a si i, inn ngeitu hna Biakinn i an i pumh kar ah a si.

Cheuhra cheukhat thawhlawm ding le meihol cawknak ding ah an i chiahmi Ks. 50,000 hrawng an fir, tiah inn ngeitu nih an chim. Kalaymyo, Taungphila sang ah atu bantuk inn baoh, thil fir le chuh tibantuk cu a hlan nakin a tam chin lengmang, tiah tualchung mi nih an chim.

Be the first to comment

Leave a Reply

Your email address will not be published.


*