AA le SAC Ralkap Kahdohnak Ruangah Paletwa Khua Ah Abaungta Khuami 600 Leng An i Dor

Arakan Army(AA) le SAC ralkap kar kahdohnak a chuah caah Chin ramkulh, Paletwa peng Abaungta khuami hna cu an khua ah um ngam ti loin, Paletwa khua ah an zaam hna, tiah theih a si.

Paletwa khuachung ah ralzaam in aa dormi cu Abaungta khua lawng an si rih, chungkhar 100 leng an si i, minung 600 leng hrawng an si, tiah Abaungta khuami ralzaam pakhat nih a chim. Paletwa khua ah aa dormi hna chung in cheukhat cu anmah theihhngalh sin ah an i dor hna i, cheukhat cu Red cross phu nih timhpiakmi hmun ah an i dor hna, tiah theih a si.

Ralzaam in a ummi hna cu Red cross phu nih khachuan-sen, facang le kheng tibantuk an hlut hna nain, atu tiang ah eidin le thilri kong ah harnak tampi an tong, tiah ralzaam pakhat nih a chim. Paletwa khua ah ralzaam in a phanmi Abaungta khuami hna cu SAC ralkap nih an khua an khanghpiak hna, tiah thawngpang an theih caah thinphang in an um. Abaungta khua cu phone line in pehtlaihnak tuah khawh a si lo, tiah theih a si.

Be the first to comment

Leave a Reply

Your email address will not be published.


*