Ram Chung Ah Inn Le Lo A Zaam Takmi Nuai 1 Hrawng An Phan

Ram chung ral ruang ah inn le lo a zaam tak mi hi May thla zarkhatnak tiang ah nuai 1 an phan deng, tiah United Nations Office For The Coordination Of Humanitarian Affairs (UNOCHA) nih cathanh a chuah.

UNOCHA cathanh chung ah SAC ralkap nih uknak an lak hnu in 2022 May thla zarhkharnak tiang ah ral ruang ah inn le lo a zaam takmi hi minung 937000 hrawng an si, tiah an langhter.

2021 Febuary 1 thok in rampi a him ti lo caah ramkomh kawlram nichuah thlanglei Mon ramkulh, Karen ramkulh le Tanintharyi ramṭhen ah inn le lo a zaam takmi hi minung 25000 hrawng an si.

A luancia May 10 lio hrawng ah Karen ramkulh, Kyia Inn Seihkyi(ကြာအင်းဆိပ်ကြီး) peng, Myawaddy le Mon ramkulh Bilin peng ah SAC ralkap le KNLA kahdohnak ruang ah inn le lo a chuah takmi hi minung 13000 leng an si, tiah an langhter.

Cu pinah Tanintharyi ramṭhen, Palaw peng ah SAC ralkap le PDF kahdohnak ruang ah inn le lo a chuah takmi hi minung 1000 leng an phan, tiah UNOCHA nih cathanh a chuah.

Be the first to comment

Leave a Reply

Your email address will not be published.


*