SAC Ralkap Nih Yua-Nan Khua An Khangh

Sagaing ramthen , Watlat (ဝက်လက်) peng Yuanan(ရွာနန်း) khua cu SAC ralkap nih an luhhnawh i khuachung inn dihlak ti awk in an khangh tiah Watlat(ဝက်လက်) pengchung ummi nih an chim.

Nihin April 7, zinglei suimilam 2:00 hrawngah Yuanan(ရွာနန်း) khua cu SAC ralkap nih hriamngan an kah hnu ah an luhhnawh suimilam 5:00 tluk hrawngah i khuachung dihlak ngawt in an duah ,
“Zaan khuamuih lio ah khuachung cu hriamngan in an kah hnu ah an lut, kahdohnak zong a chuaklo a ruang umlo in khuachung cu an luhhnawh, Hriamngan in khuachung an kah tuk caah khuami cu an tlizaam dih, khuachung inn 700 renglo chungah inn 500 luan hrawng a kang” tiah Watlat(ဝက်လက်) khuami pakhat nih a chim.

A luancia March thla chungah Yuanan(ရွာနန်း) khuapawng ah ummi Tawngkhung (တောင်ကုန်း) khua zong SAC ralkap nih an rak khangh cang.

Be the first to comment

Leave a Reply

Your email address will not be published.


*